Urganch shahrining Al-Xorazmiy va Shodlik mahallalarida joylashgan go‘zallik salonlari hamda sartaroshxonalarda OIV infeksiyasining yuqish yo‘llari va uning oldini olishga qaratilgan targ‘ibot-tushuntirish ishlari olib borildi.

🏥Xorazm viloyati OITSga qarshi kurashish markazi xodimlari tomonidan Urganch shahrining Al-Xorazmiy va Shodlik mahallalarida joylashgan go‘zallik salonlari hamda sartaroshxonalarda OIV infeksiyasining yuqish yo‘llari va uning oldini olishga qaratilgan targ‘ibot-tushuntirish ishlari olib borildi. Tadbir davomida mutaxassislar salon va sartaroshxona xodimlariga OIV infeksiyasining qon orqali, himoyalanmagan jinsiy aloqa orqali hamda onadan bolaga yuqish yo‘llari haqida batafsil ma’lumot berdilar.
Shuningdek, manikyur, pedikyur, tatuirovka va sartaroshlik xizmatlarida foydalaniladigan asbob-uskunalarni dezinfeksiya qilish, zararsizlantirish va sterilizatsiya qilish qoidalariga qat’iy rioya etish zarurligi alohida ta’kidlandi.
Mutaxassislar tomonidan xizmat ko‘rsatish jarayonida sanitariya-gigiyena talablariga amal qilish, bir martalik vositalardan to‘g‘ri foydalanish hamda mijozlar va xodimlar xavfsizligini ta’minlash OIV infeksiyasining oldini olishda muhim ahamiyatga ega ekani tushuntirildi.

---